|
SubscriptionsSites I Read
|
|
|
|
| 嘩~ 真係驚訝, 原來我荒廢左xanga已經差唔多三個月了, 當你唔注意時間, 唔等住一個日子來臨既時候, 竟然平淡到不覺時間流走, 有點可惜!!! 三個月入面, 工作轉變已經習慣同上哂手, 冇之前咁煩, 一個人做哂d野, 都OK既, 事關好多工作上既事已經麻木了, 一份工做左3年, 諗都冇諗過, 如果老細識做, 公司生意ok, 都會做落去既~~暫時... 哈哈~ 因為我相信好多事主已經為我地安排好~ 當你係時候要離開, 佢會話你知~ 感情方面真係冇乜特別, 兩個人相處平平淡淡, 我有D唔知係咪叫福氣了......平淡是福嗎???  消遣方面就真係少之又少了, 冇左以前用不完既精力, 可能真係年紀大喇~ 哈哈~~ 都係同D朋友仔dinner下, 冇乜特別, 或者我地要搵D節目顛下至得, 日日如是真係好悶囉~  下個月有假期, 不過斷開左.... 討厭.... 好期待快D可以去旅行呀.... 努力儲錢中.... fighting!!! | | |
| 我應要學會習慣分離, 即使再合作得久, 都有離開的一天, 不捨歸不捨, 我卻要戒掉依賴, 學習獨立思考, 用腦力同勞力去換取我要既野, 加油呀!!!
最近聽到好多朋友結婚晚消息, 恭喜哂之餘, 亦感受到佢地晚幸福, 希望我既幸福可以早一點來到, 卻永遠都不會走~~~ | | |
| 突然間好想... 好想放低心頭既壓力, 放一個無憂無慮既長假 ~~~ 唔... 一個月就好了!!! 揹著小行李去體驗其他生活~~~ 每日都重覆咁生活, 覺得好悶好辛苦!!! 但係... 唉... 得個諗字.............. 有心冇力!!! | | |
| My Happy Birthday 今日生日好開心, 一覺訓醒就收到好多朋友仔既sms, sorry呀樂, 我訓得太sweet了, 竟然miss左你個call, 好多謝你的call+sms, 仲有同事們面對面同我講生日快樂, 仲成間公司+boss一齊lunch呢~~ 最surprise就係訓醒覺, 準備番工執手袋既時候, 發現左邦邦送既小禮物, 係我做野最忙既時間, 收到佢送既一扎玫瑰花, 真係好surprise~~ 第4次收到佢送既花喇~ 唔知下次會係幾時呢? 成日都估唔到, 覺得佢會送就冇, 突然間又會收到~ 哈~~~ 我仲要多謝好多留左facebook msg同msn msg俾我的朋友仔~ 仲有manman由aus寄俾我既post card, 多謝你寄得我生日呀!!!hehe~~ 生曰收到大家既祝福好開心呀!!! 夜晚同邦邦及三位好姊妹慶祝, 多謝你地既"大利是"同邦邦的pappagallo ice cream cake, 好可愛既熊熊, ok好味既雪糕, 佢最好味都係"冧酒提子", 不過冇呢個咪既cake囉~~~ 番到屋企又收到媽媽的"大利是", 嘩~ 好開心啦!!! 第一年生日收兩封利是~ 係我既第一次呵!!! 今日同兩位親愛的哥哥+邦邦在spaghetti house dinner, 好飽呀!!! 之後仲食甜品呢~ 呢個生日會....啦~~~ 哈~~ 不過做人最緊要開心, 大家都健康快樂, 事事順利咪好囉~~~ 係咪??? | | |
| 新年韓國5天 第一日同邦邦去旅行, 年初一上午一點多機, 去到0個邊已經5點幾(時差1hr), 0係機上又訓唔著, 一落機第一日去既地方竟然係... seven luck (賭場), 呆呆下咁, 唔會玩啦~ 最後就放低左少少錢換個紀念品走囉~ 哈~ 之後坐幾個hrs車入去郊區, 第一晚係住船, 好正呀~ 可以睇到日出~ 第二朝未瞓醒就俾邦邦叫我起身睇日出, 雖然好好好凍, 而且有少少雲, 不過就更加明顯睇住個太陽出黎, 好靚呀!!! 食完早餐就去遊景點喇~ 包括我好想去既正東津火車站, 起係海邊, 個view好正, 好彩有太陽, 如果唔係就會好好好凍~ 夜晚去滑雪場住, 間房既view好正, 望住個場, 靚呀~ 第三日當然你滑雪呀~ 今次玩snow board 冇玩 skiing, 未玩過嘛~ 不過跌到pat pat好痛啦~ 因為停唔到, 又驚整到人, 所以就自己跌啦~~~ 嗚~ 好痛痛呵~~~ 夜晚坐番幾個hrs車出首爾, 塞車囉~ 冇得去東大門shopping...... 第四日一早去景點, 之後整泡菜, 著韓服影相相~~ 靚靚呵~~~仲食左大大的king crab做午餐, 飽飽之後, 就去左lotte world, 好失望呀, 玩唔到D game, 太多人啦~~~ 夜晚自費係hotel下面個coex mall食"蛋包飯" 最後一日當然又係去景點啦~ 不過冇乜人買野, 好快就move~ 去東大門+明洞shopping, 不過時間唔多啦~ 買唔到D乜野, 最後去左手信店掃左兩大箱零食番HK, 番到HK夜晚十一點幾喇~ 好彩我地快手, 趕到尾車A10番屋企~ 雖然呢5日同邦邦有嘈過交, 不過仍然好開心~~~ 番HK就去左拜年, 隔日就番工喇~ 個年假過得真係好快~ 由於同事放假, 所以番工既一個星期都好忙, 日日都OT, 九點幾先收工, 好耐冇試過喇~ 自從新公司settle down之後, 都冇試過OT一個星期^^ 2月14日的情人節, 如常咁過, 一點特別都冇, 因為邦邦一早已經送左個GUCCI銀包俾我, 今日正日就冇慶祝, 好彩夜晚佢都有煮野俾我食~~~ 好過冇表示啦~~~ 哈~~~ 我就真係冇表示喇~ 乜都冇!!! 希望咁多位好朋友新一年過得開開心心啦!!! | | |
|
